„Паранормално“ – нов сингл на групата Педро Хоризонте

Охрид, 19. септември 2023 (ОХРИДПРЕС) – „Паранормално“ е името на новиот сингл на групата Педро Хоризонте, формирана на иницијатива на Петар Младеновски и Гога Поп Георгиевски кон крајот на 2019 година.

– Сите оние неиздадени песни што со години сме ги собирале како самостојни автори, сакавме да ги издадеме на носач на звук, кој ќе биде и нашиот деби албум. Првите четири песни, „Земја на еден жител“, „Чекајќи“, најновиот сингл „Паранормално“ и се’ уште не издадената „Мега хит“, се во соработка со Иво Митковски кој како трет член се вклучува во бендот во 2021 година, велат од Педро Хоризонте.

За продукцијата, мастерингот и миксот повторно е задолжен Дени Крстев и неговото студио „1060“. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука