Охриѓанецот Александар Петрески со нова песна, одличната Judy“

Охрид, 18. септември 2023 (ОХРИДПРЕС) – Живее и работи во Германија, името му е Александар Петрески, тој е млад музичар кој потекнува од Охрид и веќе подолг период наназад твори и снима одлична музика, која е се’ повеќе препознаена од слушателите ширум светот.

Неговиот најнов сингл е песната „Judy“.

– Со задоволство Ви ја претставувам мојата нова авторска песна „Judy“. Видеото, во едно преубаво јулско приквечерие на местото кое јас го нарекувам Филип втори (помеѓу Канео и Лабино во Охрид), во една преубава дружба го снимивме заедно со видео и аудио продуцентот Даниел Јовески. Сонцето полека го напушти хоризонтот, а ние полни со позитивна енергија го запревме времето и запишавме историја подарувајќи Ви го ова видео, порачува Александар.

Тој е комплетен автор на песната која е снимена во студиото на Јовески, кој го изработи и видеото. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука