Завршна работилница на пилот проектот за граѓанска наука на НП „Галичица“

Охрид, 25. септември 2023 (ОХРИДПРЕС) – Одржана завршната работилница од проектот за граѓанска наука на НП „Галичица“.

Истиот започна да се спроведува кон средината на декември минатата година. Изминатите месеци направивме премногу во процесот граѓанска наука, имавме одлични резултати и броевме 56 волонтери, потенцираат од установата.

– На наша огромна радост успеавме да ги пронајдеме речиси сите 13 Натура 2000 видови, имавме 40 опсервации, а добиените податоци ќе бидат вметнати во базата на податоци на НП „Галичица“. Заедничките обуки и теренски активности ќе ни бидат одличен мотив за да продолжиме и наредната година, додаваат од паркот.

Пилот проектот за граѓанска наука подразбита кога јавноста доброволно помага во спроведување на некое научно истражување, каде волонтерите односно граѓанските научници собираат податоци, анализираат резултати или решаваат некој проблем. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука