Студенскиот дом „Никола Карев“ од Охрид се збратими со Домот за ученици и студенти од Беране

Охрид, 16. ноември 2023 (ОХРИДПРЕС) – Потпишана повелба за збратимување на ДСД „Никола Карев“ од Охрид и Домот за ученици и студенти од Беране, Црна Гора.

Повелбата ја потпишаа директорите на домовите, Жарко Куциноски и Горан Киковиќ. Освен со студентски и ученички домови од Србија, ова е прв пат повелба за збратимување да се потпише со студентски дом од Црна Гора.

Директорот на охридскиот студенски дом бил примен и од претседателот на општина Беране, Вуко Тодоровиќ, со кого разговарале за соработка помеѓу двата дома, а присуствуваше и на свеченоста по повод 27 години од основањето и 17 години самостојна работа на домот во Беране.

Претседателот на општината бил поканет да го посети градов, за што тој изразил благодарност и подготвеност за посета на Охрид. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука