Апел за помош: Изгоре куќата на бранителот Сашо Автароски од Струга

Струга, 17. ноември 2023 (ОХРИДПРЕС) – На социјалните мрежи се шири апел за помош на семејството Автароски од Струга, кое го загуби домот во пожарот кој се случи неодамна.

– Му се случи голема трагедија на нашиот бранител Сашо Автароски од Струга. Завчера додека бил на работа, ноќна смена, во доцните ноќни часови му се запалила куќата што со чесна мака и пот ја градеше повеќе од 10 години. Во целата несреќа што му се случи, среќна околност е што неговото детенце било будно и го забележало пожарот, па успеале да се извлечат од пламените јазици. Сега Сашо со семејството преспива кај негови другари, пријатели, познаници и добри луѓе, но сите знаеме што е мака, да не дава Бог на никого она што го градел со години да го загуби во неколку минути. Затоа Ве молам, сите кои можете да помогнете Сашо со семејството да се врати во домот и да му ја вратиме насмевката на лицето, не само на неговото, туку на целото семејство, стои во апелот.

Објавен е и личниот телефонски број од Сашо 072/254-260, на кој сите можат да го контактираат за начините на кои можат да помогнат. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука