Охрид, 27. ноември 2023 (ОХРИДПРЕС) – Одличната Дина Јашари деновиве ја промовираше својата нова песна „Не сум твој сон” за која таа ги напиша музиката и текстот, а аранжманот го направија заедно со Драги Иванов.
„Не сум твој сон“ доби и видеозапис, во режија на Александра Костадиновска. Иако е релативно ново име на музичката сцена, таа е веќе миленичка на публиката, особено на помладите генерации.
Дина Јашари со песната „Дома“ ја освои наградата „Милан Младеновиќ“ за 2022, за најдобра песна во регионот.
Минатата година таа реализира и 3 мини-турнеи и забележа настапи на култни концертни места, како Љубљана, Будимпешта, Загреб и Белград. (Крај)
извор: ОхридПрес фото: архива
