Четворица охриѓани државни прваци во бокс

Охрид, 28. ноември 2023 (ОХРИДПРЕС) – Одлични резултати постигнаа охридските учесници на Државното првенство во бокс што се одржа во Штип.

Вкупно осум боксери од клубот „Алексо Огненовски” се натпреваруваа во категориите пионери, кадети, јуниори и сениори.

Со златни медали, односно со титула државен првак се стекнаа Петар Трајчески, Димитар Ѓорески, Енис Алиу и Жарко Јакимоски.

По ова, охридските боксери ги очекува следен предизвик. Викендов, на 2-ри декември членови од овој клуб ќе учествуваат на Купот Open Balkan во Зрењанин, Република Србија. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука