Еxpress.co.uk: Најубавиот дел на Македонија е неверојатното и спокојно Охридско Езеро

Охрид, 3. декември 2023 (ОХРИДПРЕС) – Потценетата, поранешна Југословенска република, сместена во срцето на Балканот е локација која мора задолжително да се посети пред да ја откријат останатите туристи нејзината врвна природна убавина.

– Најубавиот дел на Македонија е неверојатното и спокојно Охридско Езеро, едно од најстарите и најдлабоките езера во Европа, пишува Британски express.co.uk во написот посветен на убавините на Република Македонија.

Авторот додава дека Охрид е сместен покрај планинската граница меѓу Република Македонија и Албанија и потсетува дека мирната дестинација е опишана како „најубавото место на Земјата“ од корисникот на Tripadvisor, mani_kalai. За неверојатната и идилична дестинација се вели: „Неверојатни глетки, може да се патува со брод за да се види градот од езерото. Пријателски настроени жители, многу барови, ресторани и продавници“. (Крај)

извор: express.co.uk фото: express.co.uk

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука