„I Remember“ (The Knutsens Rmx) на Владимир Четкар помеѓу најдобрите 15 disco и funk песни за 2023 според Magnetic Magazin

Охрид, 12. декември 2023 (ОХРИДПРЕС) – Песната „I Remember“ (The Knutsens Rmx) на Владимир Четкар е помеѓу најдобрите 15 disco и funk песни за 2023 година според Magnetic Magazin.

– Уште една прекрасна вест. Мојата песна „I Remember“ (The Knutsens Rmx) е прогласена за една од најдобрите 15 disco и funk песни за 2023 година од Magnetic Magazine во друштво на некој од најголемите светски музички артисти, диџеи и продуценти, откри Четкар на неговиот профил на Facebook.

Оваа година донесе многу убави работи и некои навистина ужасни, стои во написот.

– Единственото нешто што ни е заедничко е нашата љубов кон disco и funk музиката, заедницата што ја опкружува и универзалната радост што ни ја носи музиката, која заслужува да се слави. Секогаш е предизвик да се одбере од неверојатните песни за цела година на само 15. Disco и funk музиката се повторно актуелни, и иако никогаш нема да бидат толку популарни како во доцните 70-ти, јасно е дека се’ повеќе луѓе ја искажуваат својата љубов кон жанровите, и ја искажуваат таа љубов многу гласно, порачуваат од Magnetic Magazine.

Ова е само продолжение на успесите на Четкар на меѓународен план. Неодамна легендарниот Dj и продуцент од Австралија Greg Packe или Dr Packer го направи новиот ремикс на одличната тема на нашиот врвен гитарист Владимир Четкар „Time Goes By“. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука