За 32 проценти зголемен бројот на патници опслужени на аеродромите во Охрид и Скопје

Скопје/Охрид, 19. декември 2023 (ОХРИДПРЕС) – Бројот патници на меѓународните аеродроми во Охрид и во Скопје во периодот јануари-ноември оваа година достигна 2,9 милиони, што е за 32,1 насто повеќе споредбено со истиот период од минатата година, соопшти компанијата „Aeroports de Paris“.

Само во ноември, бројот на патници достигна 244.719, што е за 54,1 насто повеќе од ноември 2022 година, се вели во денешното соопштение од компанијата. За истиот период до и од двата аеродроми резлизирани се 21.941 лет, што исто така е занчително зголемување од 22,1 насто во споредба со првите 11 месеци од 2022 година.

Само минатиот месец на двата аеродроми се реализирани 2.006 полетувања и слетувања или 45,2 проценти повеќе отколку во ноември минатата година.

„Aeroports de Paris“ поседува 46 проценти од акциите во турски TAV, компанијата што управува со двата аеродроми во земјава. (Крај)

извор: Слободен печат фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука