ДАМСКАВ: Вечерва повторно високо загадување на воздухот во Охрид
Скопје/Охрид, 27. декември 2023 (ОХРИДПРЕС) – Според податоците од извршените континуирани мерења на квалитетот на амбиентниот воздух од Државниот Автоматски Мониторинг систем за квалитет на амбиентен воздух (ДАМСКАВ) кои пристигнуваат во Македонскиот информативен центар за животна средина при МЖСПП, покажуваат многу високо загадување на воздухот вечерва во Охрид.
Покрај во Охрид, слично ниво на загаденост е регистрирано и во Битола, Кавадарци, Струмица и Скопје.
Во 18:00 часот во Охрид се измерени PM10 256.322 mg/m3. Според надлежните, во случај на надминување на прагот на информирање за суспендирани честички со големина до 10 микрометри PM10, (2 последователни дена со среднодневни концентрации над 100 mg/m3), се применуваат посебни препораки.
Состојбата со квалитетот на воздухот според Државниот Автоматски Мониторинг систем за квалитет на амбиентен воздух може да се следи ОВДЕ.
Индекс за квалитет на воздух
Индексот за квалитет на воздух се користи за опис на квалитетот на воздухот на едноставен начин преку лесно разбирлива колор шема. Се заснова на средни часовни вредности на концентрациите на загадувачките супстанции, и дава карактеризација на квалитетот на воздухот.
Индексот ги зема во предвид концентрациите на сулфур диоксид (SO2), азот диоксид (NO2), суспендирани честички (PM10), фини честички (PM2,5), озон (O3) и јаглерод моноксид (CO). Измерените концентрации се споредуваат со постојните упатства за квалитет на воздухот.
Овој индекс за квалитет на воздух е развиен преку Заеднички информации за воздух во Европа (CITEAIR) проекти финансирани од Европската унија (http://www.airqualitynow.eu/index.php)
Шемата соодветствува со нивоата на концентрација.
| SO2 | NO2 | PM10 | PM2.5 | O3 | CO | |
| Многу високо | 500- | 400- | 180- | 110- | 240- | 20- |
| Високо | 350-500 | 200-400 | 90-180 | 55-110 | 180-240 | 10-20 |
| Средно | 100-350 | 100-200 | 50-90 | 30-55 | 120-180 | 7.5-10 |
| Ниско | 50-100 | 50-100 | 25-50 | 15-30 | 60-120 | 5-7.5 |
| Многу ниско | 0-50 | 0-50 | 0-25 | 0-15 | 0-60 | 0-5 |
Концентрациите се во µg/m3 освен за CO каде што се во mg/m3
извор: ОхридПрес фото: архива
| @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |
