Театарската претстава „Ракавиците на Дедо Мраз“ денеска на Градскиот плоштад

Охрид, 29. декември (ОХРИДПРЕС) – Продолжуваат активностите за прослава на Новата година на Градскиот плоштад во Охрид.

Денеска, со почеток во 12:30 часот ќе се одржи театарската претстава „Ракавиците на Дедо Мраз“.

За утре, 30-ти декември предвидена е детската претстава „Далматино и Дедо Мраз“, а на 31-ви декември на плоштадот ќе биде одржан музичко-театарскиот спектакл за деца и млади „Новогодишна детска бајка“.

Богата програма и за највеселата ноќ. За забавниот дел на дочекот на новата година в недела на Градскиот плоштад во Охрид од 21:00 часот ќе се погрижат диџеите Jana Slayy и Багзи, Татијана Стефановска, групата DNK, Нино Величкоски и групата „Фортуна“.

Во понеделник, на 1-ви јануари 2024 година, точно на пладне ќе настапат групата Balkan Jam и Драган Мијалкоски. (Крај)

извор: ОхридПрес фото: ОхридПрес

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука