Детската театарска претстава „Ракавиците на Дедо Мраз“ за весела новогодишна атмосфера на Градскиот плоштад

Охрид, 29. декември 2023 (ОХРИДПРЕС) – Весела новогодишна атмосфера имавме и денеска на Градскиот плоштад во Охрид, како дел од новогодишната прослава, благодарение на детската театарска претстава „Ракавиците на Дедо Мраз“.

Преку интересна приказна исполнета со забава и многу музика, џуџињата, Снежана, волкот и зајакот го пронајдоа сокриениот Дедо Мраз и му ги вратија изгубените ракавици.

Празничната програма за најмладите на Градскиот плоштад продолжува утре, со детскиот театарски хит „Далматинко и Дедо Мраз“ со почеток во 12:30 часот. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука