Охридското Езеро на четири сантиметри над просекот за јануари

Охрид, 9. јануари 2024 (ОХРИДПРЕС) – Водостојот на Охридското Езеро се подобрува и е на четири сантиметри над просекот за овој период од годината.

Според денешните мерења на Управата за хидрометеоролошки работи на Република Македонија (УХМР), езерото е на кота од 693,39 м.н.в, што е за 4 сантиметри над просекот за јануари (693,35 м.н.в) и 29 сантиметри над минимално дозволеното ниво (693,10 м.н.в).

Од почетокот на годинава езерското ниво порасна за два сантиметри. Температурата на водата е 8 степени и е за повеќе од степен повисока од просечната.

Во Охрид денес променливо облачно и студено време. Ќе дува слаб до умерен ветер од северен правец. Максималната температура ќе се искачи до 4. степени.

– Во текот на неделава времето ќе биде стабилно и студено со ниски утрински температури. Денес и во петок ќе дува умерен до засилен северен ветер, информираат од УХМР. (Крај)

извор: ОхридПрес фото: ОхридПрес

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука