Скопје/Охрид, 15. јануари 2024 (ОХРИДПРЕС) – Од Центарот за управување со кризи (ЦУК) информираат дека и покрај студените температури, пожари на отворено сè уште има, особено за викендите.
Апелираат да се чистат превентивно оџаците согласно препораките на пожарникарите, па макар и сега во зимската грејна сезона. Информираат дека во текот на вчерашниот ден чистеле запалени оџаци во Охрид, Тетово, Штип и Битола.
– Во последните три деноноќија имаше и три регистрирани излизгување на возила и заглавување, секое деноноќие по едно на Пониква, на Галичица и вчера кај Брана Водоча во Струмичко, појаснуваат од ЦУК. (Крај)
извор: ОхридПрес/ЦУК фото: ОхридПрес
