SUPER Fresh music: Ilira го објави EP изданието „Never Really The End“
Охрид, 13. февруари 2024 (ОХРИДПРЕС) – Доаѓа од Швајцарија и важи за уметничка со уникатен музички израз.
Ilira го претставува новото EP издание наречено „Never Really The End“, што според неа е интимна колекција на хипнотизирачки песни кои зборуваат за низа лични подеми и падови.
Изданието носи 6 нумери, меѓу кои и претходно објавените синглови „You“, „Wishing Well“ и „Work of Art“, додека песната „New Friend“ привлече посебно внимание кај публиката.
– Секогаш кога мислев дека ќе чувствувам нешто засекогаш, но не беше така. Животот има свои природни циклуси, природни бранови и вибрации и никогаш не е навистина завршен, дури и ако мислиме така во моментот. Постојано растеш, дури и кога мислиш дека си скршен и нема да преживееш, на крајот ќе станеш уште посилен, помудар и поискусен, вели Ilira.
Таа ја започна својата кариера преку соработки со светски познати продуценти, вклучувајќи ги Alle Farben, Tiësto, VIZE, Juan Magan и многу други, а нејзиниот музички каталог брои повеќе од 550 милиони слушања на музичките стриминг сервиси на глобално ниво.
Апсолутно најдобриот музички избор го имате секојдневно, 24 часа на Број 1 медиумот во регионот, охридското Супер радио. Уживајте во музичкиот избор на еден од нашите дигитални канали – Happy radio: Cafe, Greatest Hits, Top 40 Hits, Македонски хитови, Ex Yu, Dance, Hip Hop, Balkan Mix, Lounge, Мак Класик, Love Songs и Smooth Jazz. Ако музиката е одговорот, прашањето е: Што ќе слушаме денес? Се’ што сакам да слушам на едно место – Клик PLAY и УЖИВАЈ! (Крај)
извор: ОхридПрес фото: архива
| @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |
