Доза викенд убавина: Охрид во февруари исполнет со туристи како во сезона (Фото)

Охрид, 18. февруари 2024 (ОХРИДПРЕС) – Вистинска привилегија беше викендов да се биде во преубавиот Охрид, кој во февруари е исполнет со туристи како во сезона.

Бројни гости од Србија, Грција, Албанија, но и многу други земји го искористија денешното февруарско Сонце и високите температури од околу 12. степени Целзиусови за прошетка по кејот и плажите. Во комбинација со домашните гости и убавото време тие уживаа во неповторливите убавини на градот под Самуиловата тврдина.

Одлична исполнетост забележаа и угостителските објекти, каде се бараше место повеќе за кафе дружење или ручек со семејството и пријателите.

– Во текот на следната работната седмица ќе преовладува сончево време со мала до умерена облачност. Само во вторник ќе биде променливо облачно со локален слаб дожд и со умерен северен ветер, а дневната температура малку ќе опадне, информираат од УХМР. (Крај)

извор: ОхридПрес фото: ОхридПрес

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука