Охрид некогаш: Плажа „Палас“

Охрид, 20. февруари 2024 (ОХРИДПРЕС) – Охридскиот историчар и архивист Никола Митровиќ- Бабе на неговиот профил на Facebook објави прекрасна фотографија од Охрид, поточно од плажата пред култниот хотел „Палас“.

– Она што денес е плажата Куба либре… некогаш била плажата пред Палас… – напиша Митрпвоќ- Бабе во описот на фотографијата.

Локацијата пред хотелот „Палас“, односно „Островчето“ е запишано во аналите и колективната историја на градот Охрид. Токму затоа, како редакција, уште во 2020 година, изработивме комплетен проект и предлог за негова санација. Супер радио и OhridPress распишаа Конкурс на кој се пријавија бројни млади архитекти со нивни предлози за тоа како треба да изгледа ова место. Истите ги отстапивме бесплатно на охридската локална самоуправа, а снимивме и документарен филм „Да го вратиме сјајот на охридското Островче“, во кој за тоа какво било, какво е, но и какво сакаме да биде во иднина разговаравме со историчарот доц. д-р Никола Митровиќ- Бабе, Кире Чорбе, дипл. градежен инженер во пензија, проф. д-р Павле Митрески, екологистот Ѓоко Зороски, Горан Устијаноски, капетан на Капетанијата на македонските пристаништа, но и бројни граѓани, кои се сеќаваат на „Островчето“ од нивната младост.

Во емисијата која има и своја англиска верзија, се користени стари фотографии кои ја раскажуваат приказната за едно убаво време, длабоко врежано во спомените на охриѓани. (Крај)

извор: ОхридПрес фото: Никола Митровиќ- Бабе видео: Супер радио

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука