Амбасадорот на Унгарија во Република Македонија, Андраш Клајн во посета на Општина Охрид

Охрид, 21. март 2024 (ОХРИДПРЕС) – Градоначалникот на Охрид, д-р Кирил Пецаков, денеска оствари средба со амбасадорот на Унгарија во Република Македонија, Андраш Клајн, кој беше во прва официјална посета на Општина Охрид.

– На средбата се разговараше за можноста за прoдлабочување на соработката помеѓу Охрид и Унгарија особено во областа на туризмот. Амбасадорот беше информиран за приоритетните инфраструктурни проекти на кои работи општината и идните инвестиции во повеќе области. Се разговараше и за теми поврзани со културното наследство и можноста за организирање на културни манифестации поддржани од Унгарската амбасада, информираат од кабинетот на Пецаков.

По средбата, амбасадорот Клајн, придружуван од службите на Општина Охрид беше во посета на ООУ „Ванчо Николески“ во Лескоец, каде што се запозна со условите за работа и можностите за донирање на техничка опрема во ова училиште. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука