Со изложба на стари филмски постери охридскиот Архив ќе го одбележи Денот на Државниот Архив

Охрид, 1. април 2024 (ОХРИДПРЕС) – Подрачното одделение на Државниот Архив од Охрид ќе го одбележи 1. Април, Денот на Државниот Архив со документарна изложба „Промотивен материјал од прикажани проекции на филмови во кино Охридско Езеро за период 1939-1941 година“.

– На оваа изложба охриѓани, а и сите посетители на нашиот убав град Охрид ќе имаат можност да се запознаат со рекламниот материјал (плакати) од филмската продукција на познати светски класици, од фондот на Никола Герман, информира охридскиот историчар и архивист Никола Митровиќ- Бабе.

Урбаната изложба ќе биде поставена на Мини плоштадот кај „Мини маркет“ во Охрид, денеска и утре, први и втори април 2024 година, во периодот од 10:00 до 15:00 часот.

Поканети се сите љубители на раритетни и несекојдневни документи од нашиот Охрид. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука