Сообраќајка кај Мешеишта, повредена малолетна девојка

Охрид, 9. април 2024 (ОХРИДПРЕС) – На 8-ми април 2024 година, во 18:30 часот во СВР Охрид, пријавено е дека на магистралниот пат Охрид-Кичево, во близина на селото Мешеишта, Општина Дебрца, се случила сообрачајна незгода во која е повредено малолетно лице.

– Во незгодата учествувале патничко возило марка „Фолксваген голф“ со струшки регистарски ознаки, управувано од страна на 59-годишно лице од струшкото село Долно Татеши, кое излетало од патот. Притоа, малолетна сопатничка се здобила со тешки телесни повреди, констатирани во болницата „Св. Еразмо“ во Охрид. По овластување на јавен обвинител, увид на местото извршила екипа на СВР Охрид, информираат од СВР Охрид. (Крај)

извор: СВР Охрид фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука