ОХРИД Најубав: 600 дена и 600 прекрасни фотографии (Фото)

Охрид, 11. мај 2024 (ОХРИДПРЕС) – Се навршија полни 600 дена во кои Facebook страната Охрид најубав/Ohrid najubav објавува дневни фотографии од преубавиот Охрид, кој како и секогаш, блеска со својата безвременска убавина.

– Изминативе 600 дена објавивме 600 фотографии од нашиот преубав Охрид. Станува збор за повеќе локации во централното градско подрачје, кое и најчесто е посетувано од туристите. Идејата е да им понудиме „дневна доза“ на сите на кои им недостасува Охрид, без оглед на тоа дали потекнуваат од градот и живеат или работат на други места во земјата и светот, или едноставно им е паднат „Ohridinot“ во крвта, потенцираат од „Охрид најубав“.

Додаваат дека фотографиите се без непотребни коментари и ретуширања и дека идејата е да се долови оној едноставен и секогаш преубав Охрид, во целата негова убавина. (Крај)

извор: ОхридПрес фото: Охрид најубав/Ohrid najubav

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука