Калиопи има нов „Албум“, шири љубов на два јазици со 10 музички приказни

Охрид, 29. мај 2024 (ОХРИДПРЕС) – Нашата поп-дива Калиопи го промовираше новиот материјал, на српски и македонски јазик, наречен едноставно „Албум“.

На албумот се наоѓаат 10 песни, од кои две и се веќе познати на публиката. Минатата година албумот го најавија дуетската песна „Знам“ (со Жељко Самарџиќ) и песната „Кад осване“, кои во меѓувреме ги освоија срцата на публиката.

Поттикнати од нивниот јубилеј, 40 години од нивната соработка, Калиопи и Ромео одлучија да и’ подарат на публиката уште 8 нови песни, креирајќи го комплетно албумот насловен како „Албум“.

Публиката за прв пат ќе има двојазичен албум, како симбол на сите овие години креирање музика дома и во регионот.

На „Албум“ се поместени пет песни на македонски јазик: „Ела“, „Парампарче“, „Во земјата на чудата“; „Дај, дај ми дај“ и „Казна“, заедно со Слаткаристика. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука