400 жардиниери со саксиско цвеќе за жителите на улиците „Радојца Новичиќ“, „130“ и „28-ми април“ како дел од проектот „Цветни балкони – цветен Охрид“

Охрид, 3. јуни 2024 (ОХРИДПРЕС) – Како дел од активностите за одбележување на 5-ти јуни, Светскиот ден на животната средина, Општина Охрид традиционално и годинава, ќе го реализира проектот „Цветни балкони – цветен Охрид“.

Во рамките на овој проект ќе бидат поделени 400 жардиниери со саксиско цвеќе на жителите кои живеат на улиците: „Радојца Новичиќ“, „130“ и „28-ми април“.

Акцијата ќе се реализира во среда и четврток, на 5-ти и 6-ти јуни 2024 година.

– Граѓаните од гореспоменатите улици кои се заинтересирани за жардинери со цвеќе, истото ќе можат да го подигнат во расадникот на ЈП „Охридски Комуналец“ во Охрид, во среда и четврток, на 5-ти и 6-ти јуни 2024 година, во периодот од 09:00 до 13:00 часот, а со себе да носат копија од лични документи (лична карта или пасош) за идентификација од кои ќе биде видлива адресата на живеење, информираат од Општина Охрид. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука