Младиот охридски виолинист Виктор Србиноски настапи на традиционалниот концерт „Младите доаѓаат“ (Видео)

Скопје/Охрид, 7. јуни 2024 (ОХРИДПРЕС) – На традиционалниот концерт „Младите доаѓаат”, кој се одржува секоја година во македонска Филхармонија, настапи талентираниот виолинист Виктор Србиноски, од класата на проф. Елица Рашкова при ООМУ „Методи Патче” од Охрид.

Тој настапи како солист со оркестарот на Maкедонска Филхармонија предводен од маестро Ангел Спироски со концертот за виолина од Д. Кабалевски.

– Од 24 ученици од основните и средните музички училишта во Република Македонија беа избрани само 10, а Виктор беше најмладиот солист. Да се настапува со симфониски оркестар е предизвик, а Виктор на тоа одговори беспрекорно. Му посакуваме блескава концертна иднина, порачаа од училиштето.

Овие концерти се мошне интересни и секогаш оставаат силен впечаток, затоа што носат нова енергија, елан, ентузијазам, младешки дух, и ја најавуваат новата генерација македонски музички уметници. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука