Левица: Продолжува узурпацијата на Охридското крајбрежје

Охрид, 10. јуни 2024 (ОХРИДПРЕС) – Несанкционираното самоволие на неколку локални моќници во Охрид и бетонската узурпација на охридското крајбрежје и натаму продолжува, реагираат од Левица.

– Охридското езеро, градот Охрид и статусот за заштита на УНЕСКО, денес се загрозени повеќе од било кога. Урбаната мафија продолжува да ужива во своите можности за напредок на бизнисите и остварување на поголем капитал за време на летната сезона, а инспекторите вклучени во организираната корупција уживаат во комфорна зона во нивните удобни фотелји. Земаме предвид дека секоја страна има своја верзија, така што сакаме да слушнеме верзија и од надлежните институции, како овие овие моќници можат да узурпираат и со тоа да остваруваат профити, а езерото да биде заробеник на интересите на поединци. За потсетување, пред неколку месеца, Политичката партија Левица реагираше за градежни зафати на самиот езерски брег кај Канео, за што и поднесе Иницијатива за вршење вонреден инспекциски надзор. Од службата тогаш добивме одговор дека се гради од „непознат сторител“. Овие денови сме сведоци дека и пред плажата пред хотел „Аквалина“, исто така, „непознати инвеститори“ го прошируваат брегот, стои во реакцијата од партијата. (Крај)

извор: Левица фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука