Бракот не е натпревар
– Престанете да се натпреварувате со вашиот сопружник кој заработува повеќе пари. Вие двајца имате еднаков удел во бракот. И двајцата дајте колку што можете. Омаловажувањето на брачниот другар кој заработува помалку од вас, никако не го мотивира да ве сака повеќе.
– Престанете со желбата да победите во секоја расправија со сопружникот. Премногу бракови страдаат затоа што мажот и жената сакаат да докажат кој е повеќе во право. Понекогаш треба да се откажете од кавгите и да се фокусирате на она што е најважно – љубовта. Не е важно кој е во право, важно е и двајцата да се чувствувате сакани.
– Престанете да се натпреварувате кој е пообразован од другиот. Само затоа што имате диплома, магистерска или докторска титула не значи дека треба да гледате со презир на вашиот сопружник кој не одел во формално училиште, кое е на вашето ниво. Образованието не е само одење на факултет, ценете ја интелектуалната моќ на вашиот сопружник без оглед на тоа колку сертификати има. Интимноста не бара добри оценки и награди.
– Престанете да се натпреварувате со вашиот сопружник за тоа кого ќе го преферираат децата меѓу вас двајца. Децата ги сакаат и мама и тато.
– Престанете да се натпреварувате за да видите кој направил помалку зло од другиот. Љубовта не води евиденција за неправдите. Љубовта секогаш ги покрива сите гревови.
– Престанете да се натпреварувате кој е подуховен од другиот. Растете заедно во молитва и заедништво, изградувајте се едни со други. Познавањето на Бог не е трка.
– Престанете да се натпреварувате по родова линија, да ја омаловажувате сопругата затоа што е жена, да му посакувате на вашиот сопруг болест и неуспех само затоа што тој е маж. Се’ што може мажот, може и жената. Надополнувајте се, не се карајте меѓу себе.
– Престанете да се натпреварувате за да видите кој прави повеќе во вашиот брак. Престанете да ги споредувате резултатите од вашите добри дела со добрите дела на сопружникот.
– Престанете да се натпреварувате кој е поромантичен или посекси. И двајцата имате различни начини на изразување на вашите желби. Најдете ги вашите сопствени уникатни изрази, наместо да го принудувате вашиот сопружник да биде како вас.
– Сакајте… Најмногу и безрезервно. Вие сте идеалните половини од едно цело, кои Универзумот ги споил на уште еден заеднички круг. Танцувајте заедно низ животот.
ЖивоТ на OhridPress со најубавите и најинспиративните животни приказни и мудрости.
извор: ОхридПрес фото: архива
