Меѓународниот универзитет на струшкиот градоначалник Рамиз Мерко доби дозвола да основа Факултет за здравствени науки

Струга, 13. јуни 2024 (ОХРИДПРЕС) – Министерот за образование и наука во заминување Јетон Шаќири издал решение да му се дозволи на Меѓународниот универзитет во Струга, зад кој стои струшкиот градоначалник Рамиз Мерко, да основа Факултет за здравствени науки.

Шаќири во Владата дојде како кадар и близок човек на Мерко. Од Општина Струга се пресели во Владата прво за да биде министер за информатичко општество и администрација, а потоа министер за образование.

Министерството за образование и наука утврдило дека се исполнети условите за почеток со работа на Факултетот за здравствени науки при Меѓународниот Универзитет во Cтруга. Позитивно мислење дале Агенцијата за квалитет на високо образовани и Одборот за акредитација, објави порталот сдк.мк.

Во Република Македонија има неколку медицински факултети, вклучувајќи го Медицинскиот факултет во Скопје, Штип и Тетово. (Крај)

извор: сдк.мк фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука