Бендот Lilit го издаде синглот Lilit со моќниот вокал на охриѓанката Емилија Колоска

Охрид, 20. јуни 2024 (ОХРИДПРЕС) – Maкедонскиот музички состав Lilit во пресрет на летото го издаде новиот сингл насловен едноставно „Lilit“.

– Lilit, нашиот нов сингл е тука. Благодарност до сите кои со своето учество придонесоа ова вака да звучи и изгледа. Слушнете, погледнете и споделете, порача вокалистката на бендот, охриѓанката Емилија Колоска.

Моќниот вокал на Емилија во Lilit раскажува многу повеќе од текстот на песната. Многу емоции и сериозно искуство е веќе зад неа, а дел од екипата се и Трајко Симоновски, Иван Петровски, Филип Димишковски и Мартин Вучиќ зад тапаните.

Синглот е ко-продуциран и од две големи македонски музички имиња – Дуке Бојаџиев и Мите Димовски. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука