Започна проектот „Да ги овековечиме вредностите“

Охрид, 26. јуни 2024 (ОХРИДПРЕС) – Општина Охрид преку Програмата за култура започна да го реализира проектот „Да ги овековечиме вредностите“.

Целта на проектот е сликање мурали на истакнати охридски дејци, кои оставиле трага во охридската и македонската меморија.

Согласно предвидениот буџет, проектот започна со цртање на ликот на Григор С. Прличев, симболот на македонската гордост, истрајност и непокор, поетот кој со своите вонвременски дела Сердарот и Скендербег ја извиши Македонија во врвот на светската литературра, покажувајќи и докажувајќи дека за пишаниот збор нема граници.

Муралот е нацртан на западниот ѕид на НУ Библиотека „Григор Прличев“ во непосредна близина на НУЦК „Григор Прличев“, двете институции кои го носат неговото име.

Муралот е дело на академскиот уметник Горан Ристоски. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука