Заврши третото издание на Ohrid Wine Festival

Охрид, 30. јуни 2024 (ОХРИДПРЕС) – Со богата музичка програма за охриѓани и туристите, заврши третото издание на Ohrid Wine Festival.

Се одржуваше изминатите три дена, на кеј „Македонија“, на потегот пред хотел „Палас“.

Публиката уживаше со настапите на охриѓаните Backdoor band, Миле Кузманоски и групата „Куку леле“ на отворањето во четвртокот, по што во петокто настапија Urban planet, Next time и Brass brothers. Во рамки на третиот, и последен фестивалски ден, синоќа за забавата беа задолжени „Балканико“, „Ареа“ и Влатко Лозановски.

Концертите на македонските музички артисти беа надополнети со дегустацијата на македонски вина и вкусна храна. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука