Багзи, Агуш и Мечкаров заедно во „Што ми правиш ти?“

Охрид, 2. јули 2024 (ОХРИДПРЕС) – Охридските рап артисти Благој Шикоски- Багзи и Мечкаров, заедно со Агуш Мемишов снимија една различна песна од досегашните со кои навикнавме да ги слушаме и гледаме.

– Песната е насловена „Што ми правиш ти?“. Текстот е на Благој Шикоски, а спотот е снимен во познатата населба „Баиро“ во Битола. Музичката приказна зборува за една искрена љубов која не е оптоварена од материјалното и етничката припадност, велат Багзи и Мечаров.

Песната е снимена во студиото на Наум Долоски, Mecka Warrior Production во Охрид. Станува збор за нивната шеста заедничка соработка, а музичарите за брзо најавуваат уште еден летен хит. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука