Водителот Жанко ЗШ Голабоски со честитка за празникот Св. Наум Охридски Чудотворец од врвот Голем Кораб

Охрид, 3. јули 2024 (ОХРИДПРЕС) – Познатиот радио водител од Супер радио Жанко ЗШ Голабоски на специфичен начин го одбележа денешниот голем празник посветен на Св. Наум Охридски Чудотворец.

– За многу години Свети Наум Охридски Чудотворец, порача Жанко од врвот Голем Кораб на 2.764 мнв со државното знаме, знамето на Општина Охрид и слика од светецот.

Голем Кораб со 2.764 мнв е највисок врв на планината Кораб, а воедно и највисок врв во Република Македонија. Врвот се наоѓа во северниот дел на планината, на границата со Република Албанија. Врвот е доста стрмен, особено кон албанската страна и изграден од тријаски варовници. Поради големата височина, во близина и во подножјето се јавуваат траги од плеистоцена глацијација: циркови, валови, морени и др. Под врвот извира Длабока Река (десна притока на Радика), на која се наоѓа водопадот Пројфел висок 133 метри. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука