Здравје: Најдобрата закуска што можете да ја јадете навечер за подобро ниво на шеќер во крвта

Охрид, 29. јули 2024 (ОХРИДПРЕС) – Желбата да се грицка нешто доцна навечер е навика на многу луѓе, кои често избираат нездрава храна која го зголемува нивото на шеќер во крвта. За да не се случи тоа и сепак да можете да грицките нешто навечер, диететичарката Erin Palinski-Wade советува.

– Кога станува збор за рамнотежата на шеќерот во крвта, важно е да се разгледаат и хранливите состојки во храната и порциите. Идеалната доцна закуска нема да ви го зголеми шеќерот во крвта, но ќе помогне да се стабилизираат шеќерот во крвта и апетитот во текот на ноќта за да се спречат скокови и го намалува нивото на шеќер, истакнува таа.

Palinski-Wade ги издвои бадемите како храна, која е најдобро да се јаде навечер, а која ќе помогне да се задоволи гладот ​​и ќе го регулира нивото на шеќер во крвта. Таа посочува на три причини зошто тие се најдобриот избор за вечерна ужина.

Богати се со здрави масти и протеини

Бадемите обезбедуваат одлична комбинација на хранливи материи кои можат да го одржат стабилно нивото на шеќер во крвта.

– Растителниот протеин во бадемите помага во забавување на варењето и обезбедува континуирано ослободување на енергија во текот на ноќта, одржувајќи го нивото на шеќер во крвта во идеален опсег. Здравите мононезаситени масти во бадемите помагаат да се забави празнењето на желудникот за постабилен шеќер во крвта и апетит, објаснува Palinski-Wade.

Бадемите се богати со растителни влакна

Бадемите се јаткасти плодови богати со влакна, содржат околу 3,5 грама по порција.

– Влакната во бадемите дополнително ја забавуваат апсорпцијата на јаглехидратите и шеќерот, спречувајќи брзи флуктуации на нивото на гликоза во крвта, истакнува Palinski-Wade, додавајќи дека „побавното варење помага да се спречат нагли скокови на шеќерот во крвта, што овозможува постабилно ниво на гликоза во текот на ноќта“.

Богати се со антиоксиданси и микронутриенти

Овој тип на јаткасти плодови е богат со витамин Е и минерали како магнезиум, што според студиите помага во намалување на оксидативниот стрес и подобрување на чувствителноста на инсулин. Витаминот Е е поврзан со подобрен метаболизам на гликоза и намален ризик од отпорност на инсулин, а магнезиумот е клучен за регулирање на нивото на шеќер во крвта со тоа што му помага на инсулинот да ја движи гликозата во клетките, каде што може да се користи за енергија. (Крај)

извор: index.hr фото: index.hr

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука