Денес жолт, од утре портокалов аларм, температурите и над 40 степени

Охрид/Скопје, 10. јули 2024 (ОХРИДПРЕС) – Од утре до средината на следната седмица на повеќе места низ државата ќе биде активирано портокалово ниво за опасност од високи температури, информираат од Управата за хидрометеоролошки работи на Република Македонија (УХМР).

Дневната температура насекаде ќе биде над 30°C, а наместа ќе надминува 40°C.

Од Институтот за јавно здравје (ИЈЗ) излегоа со совети за справување со топлото време. Препорачуваат граѓаните со себе да носат шише вода, да се разладуваат со вентилатори или клима уреди, да носат лесна, светла и широка памучна облека, да се тушираат со посвежа или млака вода кога чувствуваат дека им е топло, да се носи капа, шешир или чадор за заштита, доволно да се спие, да се јаде овошје и салати, да се избегнуваат алкохол, кафе, чај, како и топла, зачинета и солена храна што може да дехидрира

Активностите што ги планираат граѓаните да се одвиваат пред 11:00 и по 17:00 часот, додаваат од ИЈЗ. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука