Полицијата на „Ќафасан“ спроведе кампања за заштита од високите температури

Струга, 15. јули 2024 (ОХРИДПРЕС) – Под мотото „Превенција за заштита од топлотен удар“, деновиве, полициски службеници од Полициската станица за гранични проверки „Ќафасан“ спроведуваат превентивно-едукативна кампања на македонско-албанската граница.

– Посебен тим полициски службеници на пешаците, патниците во возилата и автобусите, кои се наоѓаат на граничниот премин и чекаат за премин на државната граница, им делат вода за освежување и низ кратки разговори ги потсетуваат на препораките за заштита од топлотен удар и како да се однесуваат при високи температури. Ги потсетуваат на потребата да бидат добро хидрирани, да носат светла облека, да не користат алкохол пред и за време на управување со моторните возила, да избегнуваат патувања во најтоплите периоди од денот, да практикуваат почести застанувања под сенка за време на патувањето, да не оставаат деца или миленици во автомобилот и сет други корисни информации, информираат од СВР Охрид. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука