Вечерва на „Пливалиште“ ќе се промовира „Dj Crazy Slave наш“, песна посветена на легендарниот Dj Славе Келешовски

Охрид/Струга, 3. август 2024 (ОХРИДПРЕС) – Dj Славе Келешовски, важи за еден од најпознатите македонски Dj-и со сериозна кариера во 80-те и 90-те години од минатиот век, која трае до денес.

Вечерва, сабота, 3-ти август 2024 година во Струга ќе се одржи промоција на новата песна и видео запис посветена токму на Dj Crazy Slave. Нумерата e насловена како „Dj Crazy Slave наш“, а ја исполнуваат популарниот Мето Ди Флеш, Фичо и Dj Crazy Slave.

Песната е дело на Мето Ди Флеш и Миодраг Врчаковски врз база на музиката од Die Fantastischen Vier. Придружите вокали се на Анастасија, Доно и Давид.

На „Пливалиште“ во Струга вечерва ќе биде промовирана песната и видео записот, а предвиден е и посебен Dj  сет, жива свирка за уште една супер жешка журка со Dj Crazy Slave. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука