Расфрлано ѓубре насекаде, службите на „Охридски комуналец“ со полни раце работа

Охрид, 1. август 2024 (ОХРИДПРЕС) – Екипите на ЈП „Охридски комуналец“ максимално ангажирани со сите свои расположиви технички и човечки ресурси.

Од претпријатието велат дека од раните утрински часови се справуваат со расфрлан отпад на сите страни.

– Расфрлани лименки, пластични шишиња и остатоци од храна, што за жал се реална слика во доцните вечерни часови и наутро, каде најголем проблем ни создаваат групите од млади луѓе кои се забавуваат на просторите каде се одржуваат концертите, на мини-плоштади, дворови од образовни институции, на тревниците во градскиот парк и уште на многу други локации низ градот. Во шпицот на туристичката сезона зголемена е динамиката за одржувањето на јавната чистота и зеленило, велат од „Комуналец“. (Крај)

извор: ОхридПрес фото: ЈП „Охридски комуналец“

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука