Скопје/Охрид, 7. август 2024 (ОХРИДПРЕС) – На територијата на Република Македонија вчера имаше вкупно 41 пожар на отворен простор, од кои во моментов шест се активни, девет се под контрола и 26 се изгаснати, информираат од Центарот за управување со кризи (ЦУК).

Во регионот на Охрид, активен е пожарот на Илинска Планина, на потегот кај селата Витово, Базерник, Мали Илино и Брежани.

Покрај со екипите на противпожарните единици, вчера, од раните утрински часови на овој потег дејствуваше и полициски хеликоптер од типот Бел-412 од хеликоптерската единица на Српското министерство за внатрешни работи. (Крај)

извор: ОхридПрес фото: архива