ЈП „Охридски комуналец“: Граѓаните на Стар град да jа почитуваат динамиката за подигање отпад

Охрид, 7. август 2024 (ОХРИДПРЕС) – Граѓаните на У.З.Стар град да го почитуваат комуналниот ред и пропишаната динамика за подигање на комуналниот отпад, информираат од ЈП „Охридски комуналец“.

– Апелираме до граѓаните комуналниот отпад уредно да го депонираат на определени места за оваа намена во точно определените денови за дадениот реон и во периодот од 22:00 до 07:00 часот. Граѓаните кои поседуваат објекти за издавање на туристи треба да ги информираат своите гости за комуналниот ред, со што се надеваме ќе се избегнат непријатните слики и ситуации со кои секојдневно се соочени нашите дежурни служби, велат од претпријатието.

Потенцираат дека секое непочитување на комуналниот ред и депонирање на комуналниот отпад надвор од пропишаните термини ќе биде санкционирано согласно Законот за јавна чистота. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука