Охрид, 1. август 2024 (ОХРИДПРЕС) – На синоќешниот настап на српскиот музичар Михајло Веруовиќ – Војаж во Охрид се случил инцидент, по што полицијата го отстранила од бината.

Иако во дел од медиумите беше објавено дека имало инцидент во кој биле повредени лица, сепак неофицијално се случил само помал инцидент, најверојатно поради големата бројност на публиката.

Самиот артист на социјалните мрежи напиша:

– Поради интервенција на полицијата бев принуден да го прекинам настапот во Охрид. Поради преголемата посетеност и безбедносната проценка на државните органи, интервентната единица реагираше и го прекина мојот настап и ме симна од сцената. Охрид, бевте одлични, многу ми е жал што настапот беше прекинат бидејќи енергијата беше неверојатна, но не можеме да одиме против одлуките на државните органи. Се надевам дека наскоро ќе успееме да го надоместиме ова и да направиме уште поголем спектакл. Ве сака Војаж и ви благодарам за разбирањето…, напиша Војаж.

извор: ОхридПрес фото: архива