Концерт на ансамблот на Дунавската школа за фолклор од Унгарија вечерва во Охрид

Охрид, 8. август 2024 (ОХРИДПРЕС) – Вечерва од 20:30 часот свој настап во Охрид ќе има ансамблот на Дунавската школа за фолклор од градот Баја, Унгарија.

Ќе се одржи на сцената „Летница“, а ансамблот ќе настапи со сплет од традиционални унгарски народни песни и танци.

Настанот е во организација на Амбасадата на Унгарија во Република Македонија, Почесниот конзулат на Унгарија во Охрид, како и Здружението на Унгарци во Македонија.

Настапот во Охрид е дел од турнејата на ансамблот на Дунавската школа за фолклор низ Македонија, што започна вчера во Прилеп. Продолжува утре во Битола, во Крушево на 10-ти август и завршен концерт во Скопје, на 11-ти август. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука