Во четврток започнува Охридскиот хорски фестивал 2024
Охрид, 20. август 2024 (ОХРИДПРЕС) – Од 22-ри до 26-ти овој месец Охрид ќе биде домаќин на Охридскиот хорски фестивал 2024.
На овогодинашното издание учество земаат 16 хорови од Хрватска, Чешка, Полска, Унгарија, Турција, Естонија, Летонија и Македонија.
Отворањето на фестивалот е во четврток од 19:00 часот со поздравен говор, заедничко пеење и настапи на отворено на хоровите учесници.
Настапите со натпреварувачки карактер како и концертите на духовна, поп и фолк музика ќе се одржуваат во дијамантската сала на хотелот „Инекс Олгица“ и во католичката црква „Св. Кирил и Методиј“.
Влезот за фестивалските ноќи е слободен. (Крај)
извор: ОхридПрес фото: архива
| @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |
