Драган и Ратко Даутовски го отворија второто издание на Ohrid Jazz Festival

Охрид, 24. август 2024 (ОХРИДПРЕС) – Со настапот на Драган и Ратко Даутовски, синоќа започна второто издание на Ohrid Jazz Festival.

Тие се претставија со проектот „Звукот на исконот“, а за вечерва е предвиден настапот на Наташа Миха Трио со Наташа Миха (вокал), Дамир Имери на пијано и Иван Бејков на бас.

Ohrid Jazz Festival е во организација на Општина Охрид и се одржува во предворјето на црквата „Св. Софија“ со почеток во 20:30 часот. Влезот за сите посетители е слободен.

Започна минатата година во насока на збогатување на туристичката понуда со квалитетни настани и манифестации. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука