„Зови ме Лена“ доби римејк верзија од Тамара Тодевска, Just RB и Никифор

Охрид, 29. август 2024 (ОХРИДПРЕС) – Песната „Зови ме Лена“ доживеа римејк верзија од Тамара Тодевска, Just RB и Никифор.

Оваа песна за прв пат беше изведена на годинешниот избор за песна на Евровизија во Србија од Лена Ковачевиќ.

Автор на музиката на песната е Дарко Димитров, кој заедно со Роберт Билбилов (Just RB) и Лазар Цветкоски работеа на оригиналната верзија. „Зови ме Лена“ доживеа нова, римејк верзија, која го најавува албумот „African Queen”, кој е во процес на подготовка од Just RB и DJ Nikifor.

– Среќна сум што на овој римејк работев заедно со моите добри пријатели и соработници: Роберт Билбилов и Никифор, но секако и со Дарко Димитров и Лазар Цветкоски кои се дел од целиот проект, вели Тамара. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука