IUCN: Горди сме што го поддржавме процесот за валоризација на Охридското Езеро како Споменик на природата
Скопје/Охрид, 30. август 2024 (ОХРИДПРЕС) – Горди сме што го поддржавме овој процес преку доставување на Студијата за валоризација на Споменик на природата на Охридското Езеро, во тесна соработка со властите, локалните и граѓанските заедници, порачаа од Меѓународната унија за заштита на природа (IUCN), Канцеларија за Источна Европа и Централна Азија (ECARO) со седиште во Белград.
– Имаме убави вести. Предлог-законот за прогласување на Охридското Езеро за споменик на природата и официјално влезе во собраниска процедура за усвојување во Република Македонија. Охридското Езеро е најстарото и едно од најбогатите езера со биолошка разновидност во Европа. Горди сме што го поддржавме овој процес со спроведување на Студијата за валоризација на споменикот на природата на Охридското Езеро, во тесна соработка со властите, локалните заедници и граѓанските организации. Предлог-законот му дава овластување на Колекционерскиот систем на Јавното претпријатие – Охрид да обезбеди интегрирано управување и заштита на езерото, кое е дел од Светското наследство на УНЕСКО. Една од првите задачи на новото раководно тело ќе биде да усвои и да започне со имплементација на план за управување, кој меѓу другите цели вклучува воспоставување ренџерска служба и мониторинг и следење на природното наследство. Со нетрпение го очекуваме прогласувањето и остануваме посветени на соработката со Министерството за животна средина и просторно планирање за унапредување на политиките за заштита и зачувување на природата, во Охридскиот регион и пошироко, потенцираат од IUCN Eastern Europe and Central Asia.
– Со тоа ја потврдија својата поддршка на донесувањето на Законот за прогласување ма Охридското Езеро за Споменик на природата со кој Министерството за животна средина и просторно планирање (МЖСПП) постапува и согласно одлуките од 2023 и 2024 година на Комитетот за светско наследство при Конвенцијата за светско природно и културно наследство (УНЕСКО) во кои експлицитно е побарано од државата да ги прогласи Охридско Езеро и Студенчишко Блато за заштитени подрачја, со цел да обезбеди заштита, додаваат од МЖСПП.
Од министерството потенцираат дека IUCN е најеминентна и меѓународно призната организација за заштита на природата во светот, која посветено работи на заштита и зачувување на природата во период од неколку децении и е советодавно тело на УНЕСКО за делот на природно наследство. (Крај)
извор: ОхридПрес фото: ОхридПрес
| @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |
