Од денес до среда прв уписен рок на УИНТ „Св. Апостол Павле“ Охрид
Охрид, 2. септември 2024 (ОХРИДПРЕС) – Од денеска до среда прв уписен рок за идните студенти на Универзитетот за информатички науки и технологии (УИНТ) „Св. Апостол Павле“ во Охрид.
– Заинтересираните кандидати своите документи ќе може да ги поднесат во периодот од 08:00 до 16:00 часот во просториите на Универзитетот. Повеќе информации за потребните документи може да се најдат во Конкурсот за запишување на студии од прв циклус објавен на официјалната веб страна, како и на социјалните медиуми на Универзитетот, информираат од УИНТ „Св. Апостол Павле“ Охрид.
Има места за 364 бруцоши, од нив 200 се за во државна квота, 90 со кофинансирање на студиите и 74 за вонредни студенти. По 80 бруцоши ќе може да се запишат на факултетите за компјутерски науки и инженерство, за комуникациски мрежи и безбедност, за информатички системи, визуелизација, дигитална, мултимедијална и анимациска техника и за информатички и комуникациски науки. На факултетот за применети информатички технологии, машинска интелегенција и роботика има 44 слободни места.
Вториот е на 16-ти и 17-ти септември и третиот на 27-ми септември. (Крај)
извор: ОхридПрес фото: ОхридПрес
| @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |
