Здравје: Кардиолозите за атипичните знаци на срцев удар, не ги игнорирајте

Охрид, 3. септември 2024 (ОХРИДПРЕС) – Болка и тежина во градите и отежнато дишење се најчести симптоми на ангина пекторис. Оваа состојба обично му претходи на срцев удар.

– Срцевите удари стануваат се’ почести и кај помладите лица. Тие често се жалат на вкочанетост во прстите, мала болка во срцето, па дури и на десната страна на градниот кош, вели кардиологот Јулија Маршинчева.

Според неа, дури и забоболка може да укаже на проблеми со срцето.

– Луѓето со забоболка веднаш трчаат кај стоматолог, но лекувањето на кариес не може да помогне доколку во позадина има срцев проблем, посочува докторката.

Таа додаде дека некои луѓе воопшто не чувствуваат болка во градите при срцев удар. Наместо тоа, пациентите може да се жалат на абдоминална болка, слична на апендицитисот.

Ако ги почувствувате горенаведените симптоми или сте загрижени, контактирајте го вашиот лекар. EKG е тест кој може да ви го спаси животот. (Крај)

извор: index.hr фото: index.hr

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука