Здравје: Доколку имате проблеми со срцето, престанете да ги правите овие вежби

Охрид, 5. септември 2024 (ОХРИДПРЕС) – Кардиоваскуларните болести, вклучително и срцевите заболувања и мозочниот удар, се водечка причина за смрт во светот.

Според СЗО, околу 17,9 милиони луѓе годишно умираат поради кардиоваскуларни болести, што претставува 32 отсто од сите смртни случаи на глобално ниво.

Ако сте загрижени за здравјето на срцето, веројатно веќе сте слушнале дека лекарите препорачуваат контрола на стресот, ограничување или избегнување алкохол и следење на крвниот притисок. Иако вежбањето често е добро за срцето, одредени видови можат да бидат ризични за луѓето со срцеви проблеми.

– Вежбите со висок интензитет – како кревање тегови не се за луѓе со проблеми со срцето, вели кардиологот д-р Bradley Serwer.

– Оваа многу интензивна активност може да предизвика крвниот притисок да скокне четири пати над нормалната граница што е сериозен стрес за срцето, изјави тој. Додава дека е дозволено лесно и умерено кревање тежина.

Напрегањето за време на засилени тренинзи и кревање на поголеми тежини може да доведе до абнормален срцев ритам, исхемија, срцев удар или ненадеен пулмонален едем. (Крај)

извор: index.hr фото: index.hr

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука