Привршува санацијата на надворешниот дел на објектот „Маларична“ (Фото)

Охрид, 4. септември 2024 (ОХРИДПРЕС) – Со нова дограма и поправена фасада во насока на подобра изолација и заштеда на електрична енергија, привршува санацијата на надворешниот дел на објектот „Маларична“ во Охрид.

Објектот веќе има комплетно нов изглед и нуди подобри услови за пациентите, но и подобрени услови за работа на вработените.

Според одговорните лица, станува збор за зафати вредни околу 3 милиони денари, кои се обезбедени од сопствени средства на Здравствен дом Охрид.

Од ЈЗУ „Здравствен дом“ Охрид неодамна за Супер радио и OhridPress изјавија дека покрај тоа во внатрешноста на објектот ќе биде поставен PVC под, ќе се прави енергетски ефикасна фасада, со бекатон плочки ќе биде поплочен паркингот, а во насока на заштита на амбулантните возила ќе се направат и шест настрешници. (Крај)

извор: ОхридПрес фото: ОхридПрес

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука